1923-1984-cü illərdə yaşamış Sülün Osmanın qeyri-adi dələduzluq xatirələri “Yeşilçam” filmlərinə belə mövzu olub. Sülün Osman ləqəbli Osman Ziya Sülün 1923-cü ildə İstanbulda dünyaya gəlib. Onun tarixə keçən ilk dolandırıcılıq hadisəsi 1948-ci ildə baş verib. O, Fatih səmtində kirayələdiyi ev sahibini aldadıb və asan pul qazanmağın sehrinə qapılıb.
Daha sonra o, İstanbulun Taksim meydanına palaz sərərək buranın ona aid olduğunu deyib və yoldan keçənlərdən pul almağa başlayıb. İnsanlar isə maraqlanaraq ondan bu işdən nə qədər pul qazandığını soruşub. Söylənən məbləğə inanıb bu yerin sahibi olmaq istəyəndə Sülün Osman Taksim meydanını onlara satıb.
Başqa bir dolandırıcılıq hadisəsəi: O, Dolmabağça sarayının qarşısındakı saatın yanında durub orada toplaşan adamlara saatlarını meydan saatları ilə eyni vaxta təyin etdirərək onlardan bunun üçün pul toplayırmış. Yenə də bu işdən nə qədər qazandığını soruşanlar mütləq çıxırmış ki, onların da əksəriyyəti dolandırıcı Osmanın qurbanına çevrilirmiş.
Bir dönəm falçılığa və cadügərliyə də əl atan Sülün Osman subay qızları evləndirməyi vəd edərək pul qazanıb.
Bir dəfə o, Qalata körpüsündə dayanaraq keçənlərdən pul almağa başlayıb. Təbii, belə olan halda vətəndaşlar yenə bu adamın nə etdiyini, nə qədər qazandığını soruşublar və beləliklə Qalata qüləsinə də alıcı çıxıb.
Elə onun tutulmasına da bu hadisə səbəb olub.
Məhkəmədə ayağa qalxan Sülün Osman üzünü hakimə tutaraq bu sözləri deyib: “Qüsura baxma, hakim bəy, məmləkətdə Qalata körpüsünü satın alacaq axmaqlar varsa, mən bu körpünü sataram”.
Məhkəmənin qərarı ilə o, həbs olunub. Onun haqqında maraqlı məlumatlardan biri də həbsdə olarkən məhbuslara “Alın təri ilə yaşamaq” adlı konfrans təşkil etməsidir.
İllər sonra müsahibə verərkən bir hacıya cənnətdən bağça belə satdığını etiraf edib. Dolandırıcılığı həyat tərzi seçdiyini söyləyən Sülün Osman tövbə etdiyini, bəzilərinin “alnındakı yazını” görəndə isə tövbəsini pozduğunu bildirib.
O, İstanbul tramvaylarını, Kız Kulesini, Eminönünü, şəhər müydanlarındakı saatları dəfələrlə müxtəlif adamlara satıb və ya kirayə verib.
Onun dolandırıcılıq hekayələri “Yeşilçam” filmlərinə mövzu olub. Məşhur aktyor Kemal Sunalın çəkildiyi “Ən böyük Şaban” filmində Şabana Bosfor körpüsünü satan Sülün Osman olur.
O, heç vaxt kimlik və pasport gəzdirməyib.
Sülün Osman 1984-cü ildə Bəyoğlunda qaldığı oteldə infarkt keçirərək ölüb və kimsəsizlər məzarlığında dəfn olunub.Musavat.com
