Azərbaycan tolerantlıq və multikulturalizm ölkəsi kimi dünyada özünü çoxdan təsdiq etməyi bacarıb.Bütün dünya Azərbaycanı bu mövqedən tanıyır. Bu gün də Prezident İlham Əliyev tərəfindən həyata keçirilən siyasət milli-mədəni irsin qorunmasına, humanizm ənənələrinə, ölkədə yaşayan bütün xalqların, etnik azlıqların hüquq və azadlıqlarının, dini etiqad azadlığının təmin olunması prinsipi üzərində qurulub. Azərbaycan Konstitusiyasında bunlarla bağlı maddələr öz əksini tapıb.
XIX əsrin əvvəllərində Azərbaycan torpaqlarının Rusiya tərəfindən işğal edilməsindən sonra Şimali Azərbaycan ərazilərinə ermənilər köçürülməyə başladı.Bundan sonra isə azərbaycanlıların deportasiyası və soyqırımı faciələri törətməyə başladılar. Gəlmə ermənilər azərbaycanlılara məxsus ərazilərdə məskunlaşdıqdan sonra onlara məxsus maddi-mədəniyyət nümunələrini məhv etməklə yanaşı onların izlərini silmək üçün əlindən gələni əsirgəmir, həmin maddi-mədəniyyət nümunələrinin “qədim ermənilərə” aid olmaları barədə saxta tarix yazaraq dünya ictimaiyyətini aldatmağa başlamışlar. Azərbaycanlıların qoyub getdikləri yaşayış məntəqələrindəki 234 məktəb, 214 kitabxana, 268 mədəniyyət müəssisəsi, 235 səhiyyə ocağı, 112 uşaq bağçası, 152 məişət evi onların əlinə keçdi . Azərbaycanlılara məxsus olan 223 qəbiristanlıq, 49 məscid, 68 tarixi-memarlıq abidəsi get-getdə erməni vandalları tərəfindən məhv edildi. Ermənilər təkcə işğal olunmuş ərazilərimizdə milli-mədəni, dini abidələri, qəbirləri məhv etməyib bununla yanaşı , həm də meşələri yandırıb, su hövzələrinə zərər verməklə ekoloji fəlakət yaradıblar. Əgər Şuşa şəhəri də vaxtında Azərbaycan Ordusu tərəfindən işğaldan azad edilməsəydi, ətrafda olan meşələr fosfor tərkibli silahlardan istifadə etməklə yandırılacaqdı. İşğal olunmuş ərazilərdəki 67 məsciddən 63-ü ermənilər tərəfindən dağıdılıb, məhv edilib.
Laçın rayonu və ətraf ərazilərdə 30 ilə yaxın müddətdə qanunsuz yaşamaqla bərəbər bu şəxslər ərazini tərk edərkən ətrafdakı çoxəsrlik yaşı olan meşələri yandırıb ekoloji terror törətdilər. İşğal dövründə Topxana meşələrindən başlayaraq ətraf rayonların meşələrini məhv edən , üçtərəfli Bəyanatdan sonra Kəlbəcər , başqa ərazilərimizdən çıxarkən meşələri, evləri, tarixi-mədəni abidələri məhv etdilər. Laçın və digər ərazilərimizdə meşələrin yandırılması onu göstərir ki, ermənilər öz patoloji nifrətlərini müxtəlif üsullarla ifadə edirlər. Hətta o yerlərə yeni istehsal olunan minalar da basdırılmışdı. Kiçik bir ərazidə minə yaxın mina aşkar olunub. Sadəcə Laçın deyil, başqa yerlərdə də bu mikirli siyasətlərini hayata keçirməkdən çəkinmədilər. Hal- hazırda isə sadəcə dağılmış binalar qalıb. Onlar bütün bunları bilərək məqsədli şəkildə ediblər. İstəyirdilər ki, azərbaycanlılar heç vaxt öz torpaqlarına qayıtmasınlar, onlara qayıtmağa yer olmasın. Ermənilər nə etsələr də öz istədiklərinə nail ola bilmədilər. Biz doğma torpaqlarımızı yenidən əldə etdik!
Mamedova Fəridə, Nəsimi rayon sakini
