image-bookfair_2000x150_gif_az_local
image-87027804backend

Ədalət Verdiyev: “Bütün bunlar DSX-nın fəaliyyətinə aiddir”

image-ads_728x90

Bu gün Azərbaycan Sərhəd Mühafizəsinin yaradılmasının 103 ili tamam olur. Azərbaycan Xalq Cümhuriyyətinin yaranmasından sonra 1919-cu ildə milli hökumətin qərarı ilə təsis edilən Hərbi Nazirliyin tərkibində ölkənin bir sıra güc strukturları, o cümlədən Sərhəd Qoşunları fəaliyyətə başlayıb. Sovet İttifaqı dövründə Sərhəd Xidməti Dövlət Təhlükəsizlik Komitəsinin bir strukturu kimi fəaliyyət göstərib. Xalqımızın ümummilli lideri Heydər Əliyev 2000-ci il avqustun 18-ni sərhədçilərin peşə bayramı kimi rəsmiləşdirib.

Hərbi ekspert Ədalət Verdiyev Sərhəd Mühafizəsinin yaradılmasının 103-cü iliylə bağlı Herbiand.az-a bildirdi ki, müstəqil Azərbaycanın suverin ərazilərinin və sərhədlərinin qorunmasında Dövlət Sərhəd Xidmətinin müstəsna xidmətləri var:

“Bu gün 103-cü illiyini qeyd etdiyimiz Dövlət Sərhəd Xidməti 44 günlük Vətən müharibəsinin ilk günlərindən döyüşlərə qatıldı. Azarboyu ərazilərin, Xudafərin körpüsünün, Zəngilanın Ağbənd qəsəbəsinin düşməndən azad edilməsində kifayət qədər peşəkarlıq və qəhrəmanlıq nümayiş etdirdi. DSX-nın şəxsi heyətinin Füzuli, Cəbrayıl, Qubadlı, Zəngilan və Şuşanın azad edilməsində də mühüm xidmətləri olub. Müharibənin ilk günlərində İran-Azərbaycan sərhədinin 105 km-nin işğaldan azad edilməsi və sərhədin 132 km-nin nəzarətə götürülməsi də məhz DSX-nın fəaliyyətinə aiddir”.

Hərbi ekspert bundan əlavə qeyd edib ki, DSX müharibə zamanı PUA-ların zərbə və kəşfiyyat aparatlarının, həmçinin AN-2 təyyarələrinin düşmən üzərində tətbiqinə dair kifayət qədər analoqu olmayan nailiyyətlərə imza atdı:

“Xatırladım ki, DSX keçmiş SSRİ ərazisində ən üstün və müasir silah sisteminə malik olmaqla bərabər düşmən üçün gözlənilməz olan yeni silahın tətbiqi ilə yadda qalmışdı”.

Sonda Ədalət Verdiyev DSX-nın şəxsi heyətini 103-cü ili münasibətilə təbrik edərək peşələrinin yerinə yetirilməsində uğurlar arzulayıb.

image-ads_728x90

  • whatsapp
  • messenger
  • telegram
  • vkontakte
  • odnoklassniki