image-ads_2000x150
image-20220804_231519backend

Analoqsuz xəbər siyasəti: Xəbərin yükünü qoy, mətbuat çəksin…

image-ads_728x90

Azərbaycanda bəzi dövlət təşkilatlarının xəbər siyasətində analoqu olmayan tendensiyalar müşayət olunur. Həm nəzəri, həm də təcrübi baxımdan xəbər siyasəti, yəni informasiyanın yayılması prosesi mətbuat orqanları vasitəsilə həyata keçirilir. Bütün ölkələrdə informasiyanın yayılması siyasəti bu cür tənzimlənir. Azərbaycanda çox vacib və strateji məqamlarda bu proses bəzi icmalçılar, şərhçilər, yəni ekspertlər üzərindən icra olunur. Baxmayaraq ki, mən özüm də hərbi-siyasi şərhçi kimi fəaliyyət göstərirəm, amma mətbuatı belə vəziyyətlərdə ikinci plana salmağı yanlış addım hesab edirəm.

Nəzərə alınmalıdır ki, sabah sosial şəbəkələrdəki profillərindən yaydıqları xəbərlərə görə (Necə ki, bir neçə dəfə belə hallar olub) heç bir məəsuliyyət daşımayacaq şəxsin və ya şəxslərin üzərindən ölkə üçün vacib xəbər siyasətini təşkil etmək olmaz.

Mən xəbər siyasətində bu kimi halları özfəaliyyət hesab edirəm.

1. Şərhçi və ya bu gün deyildiyi kimi ekspert, hadisənin xəbərini yox, onun baş vermə səbəbləri və sonrakı ehtimallar haqda öz mülahizələrini bildirməlidir.

2. Şərhçi, heç bir halda xəbər tribunası kimi istifadə oluna bilməz. Bu onun icmalçı kimi əhəmiyyətini aşağı salır.

3. Şərhçi özü belə xəbər üzərindən istifadə olunarsa və ya öz fəaliyyətini həm də xəbərçi kimi qurarsa, gözlənilməz halda informasiyanın qeyri-dəqiqliyi ortaya çıxdıqda əsas işinə xələl gətirmiş ola bilər.

4. Xəbərlə, qoy bunun əhəmiyyətini, yükünü və məsuliyyətini dərk edənlər, ömrünün böyük hissəsini buna həsr etmiş peşakar jurnalistlər – mətbuat orqanları məşğul olsun.

Hesab edirəm aidiyyatı dövlət qurumları bu fikirlərimlə tanış olacaqlar və hər biri öz payını götürəcək. Unutmayın ki, dövlətimizin güclü olması həm də xəbər siyasətinin düzgün bölüşdürülməsindən keçir.

Tanrı Azərbaycanımızı qorusun!

Ramil Məmmədli

image-ads_728x90

  • whatsapp
  • messenger
  • telegram
  • vkontakte
  • odnoklassniki