Tarixdə Bərgüşad mahalı kimi tanınan Qubadlı 18-ci əsrin ortalarına qədər Zəngəzur mahalının tərkibində olan Qaradağ xanlığına tabe olmuşdur. Sonralar isə Qarabağ xanı Pənahəli xanın uzaqgörən siyasəti nəticəsində Zəngəzurun ayrılmaz hissəsi kimi Qarabağ xanlığının idarəçiliyinə verilmişdir.
Azərbaycan xalqının tarixi faciəsi kimi yaddaşlarda qalan 1921-ci ildə rus-erməni, eləcədə daşnak-bolşevik ittifaqının məntiqi nəticəsi olaraq, imperiya mahalı iki yerə bölmüşdür. Qubadlı, Zəngilan, Laçın rayonları çətinliklə də olsa, Azərbaycan Respublikasının tərkibində qalmışdır. Əslində məqsəd bu əraziləri Ermənistan ərazilərinə qatmaqla Azərbaycan Respublikasının tərkibində “Qırmızı Kürdüstan” adında muxtariyyət yaratmaq idi. Bu muxtariyyətə qarşı qubadlılar sözün əsl mənasında mübarizə aparmışdılar. Bir neçə ildən sonra Qarabağın Ermənistana verilməməsi, Azərbaycan Respublikasının tərkibində və tabeçiliyində saxlanılması məsələsi həll olunduqdan sonra qondarma “Qırmızı Kürdüstan” muxtariyyəti öz əhəmiyyətini itirmişdir. Qubadlı rayonu 1933-cü ildə Qubadlı kəndinin əsasında təşkil olunmuşdur. Rayon 1963-cü ildə ləğv edilərək Zəngilan rayonu ilə birləşdirilib. 1964-cü ildə isə yenidən müstəqil rayonu olmuşdur.
Qubadlı rayonu şimaldan Laçın, cənubdan Zəngilan, şərqdən Xocavənd və Cəbrayıl rayonları, qərbdən Ermənistanla həmsərhəddir. Rayonun əsas su mənbələri Bazarçay(Bərgüşad), Həkəri, Kiçik Həkəri, Meydan dərəsi çayları və çoxlu bulaqlardır. Qubadlı rayonunun səthi, əsasən dağlıqdır.
Qubadlı rayonu 1993-cü ilin 31 avqust tarixində Ermənistan Silahlı Qüvvələri tərəfindən işğal edilmişdir. 25 oktyabr 2020-ci ildə rəşadətli Azərbaycan ordusu Qubadlı şəhərini işğaldan azad etmişdir.
Qubadlı rayonun təbiəti olduqca zəngindir və gözəldir. 1969-cu ildə burada dövlət yasaqlığı yaradılmışdır. Rayonda 13.2 min hektar meşə sahəsi vardır. Burada palıd bu meşələrin arxası, vələs dövləti, alma, armud, fındıq, əzgil, zoğal, yemişan… sərvəti, dağ çayları, şəlalər, buz bulaqlar şöhrəti, qara gözlü əliklər, xınalı kəkliklər, qırqovullar, turaclar, göyərçinlər… gözəlliyi idi. Çox təəssüflər olsunki, Qubadlı şəhərinin meşə örtüyü işğal dövründə ermənilər tərəfindən qırılaraq Ermənistana və ya xarici ölkələrə satılmışdır. İşğaldan azad olunduqdan sonra Qubadlı rayonun bütün kəndləri, o cümlədən Qubadlı şəhəri yenidən qurulacaqdır. İnfrastruktur layihəsinin hazırlanması, enerji istehlakı 12 meqavat idi. Qubadlının 2050-ci ilədək inkişaf dinamikası nəzərdə tutulur.
YAP-ın üzvü
Abbasova Pərvanə
Qubadlı rayonun işğaldan azad olunması böyük Qələbəni daha da yaxınlaşdırdı
