Bildiyimiz kimi oktyabrın 6-da Çexiyanın Praqa şəhərində Avropa İttifaqı Şurasının Prezidenti Şarl Mişelin təşəbbüsü ilə dörd tərəfli görüş keçirilmişdi. Görüşdə Aİ-şurasının Prezidenti Şarl Mişel, Azərbaycan Respublikasının Prezidenti İlham Əliyev, Fransanın Prezidenti Emmanuel Makron və Ermənistanın baş naziri Nikol Paşinyan iştirak etmişlər. Dörd tərəfli görüş Bakının maraqlarına uyğun oldu.
Prezident İlham Əliyev Şarl Mişellə görüşdə Azərbaycanla Avropa İttifaqı ölkələri arasında iqtisadi, ticarət və həmçinin nəqliyyat sahəsində əməkdaşlıqdan danışıb. Enerji sahəsində cari ilin iyul ayında Bakıda imzalanmış memerandum xüsusilə vurğulanıb. Dünyada cərəyan edən geosiyasi vəziyyət Azərbaycanın enerji resurslarına Avropada ehtiyac yaradıb. Avropa İttifaqı ilə nəqliyyat sahəsində danışıqlar aparılır. Azərbaycan qaz ixracatını Avropaya iki dəfə artırmaq niyyətindədir. Bu məqsədlə yeni qaz yataqları istismara düşür. İlham Əliyevin dediyi kimi, qazımız və neftimizlə bərabər elektrik enerjimiz də Avropaya ixrac olunacaq.
2 hissədən ibarət və 5 saatdan çox sürən danışıqlarda Azərbaycanla Ermənistan biri-birinin ərazi bütövlüyünü, suverenliyini tanıdı. Bu həm də Ermənistanın Qarabağı tanıması deməkdir. Danışıqlarda həlledici məsələ tərəflər arasında tezliklə yekun sülh müqaviləsinin imzalanmasıdır. Azərbaycan 5 bəndli sənədi təklif elədi.
Azərbaycan qalib dövlətdir və sülh sazişi bu sənəd üzrə imzalanacaq.
“Biz necə danışarıq özümüz bilərik, 3-cü ölkəyə ehtiyac yoxdur” deməklə İlham Əliyev bir daha özünü parlaq, peşəkar diplomat kimi sübut elədi və Fransanın ermənipərəst mövqeyinə ağır zərbə vurdu. Əlbəttə ki, kollektiv səylərin nəticəsi, həmçinin vasitəçilik yaxşıdır, ancaq effektiv olarsa.
Prezident İlham Əliyev mina təhlükəsizlik məsələsinə toxunaraq qeyd edib ki, II Qarabağ müharibəsi başa çatandan sonra ermənilər ən azından Qarabağda 1400 mina basdırıb və 250-dən çox Azərbaycan vətəndaşı bunun nəticəsində ya həlak olub, ya da ağır yaralanıb. Bu növbəti cinayətdir və erməni terroruna son qoyulmalıdır. Hələ də torpağımızda qeyri-qanuni erməni silahlı birləşmələri var. Onlar torpağımızdan çıxmalıdır. Bütün dünya ictimaiyyəti dərk edir ki, Qarabağ Azərbaycandır!
Praqa sammitində İlham Əliyev Azərbaycn xalqının maraqlarını ortaya qoydu və prinsipial mövqeyini nümayiş etdirdi. Həmçinin qeyd etdi ki, Qarabağda yaşayan ermənilər bizim vətəndaşlardır. Azərbaycan vətəndaşları kimi ermənilər eyni hüquqa malikdir. Biz onların taleyini heç kimlə müzakirə etməyəcəyik, xüsusilə Ermənistanla.
Ermənistan sərhədlərin delimitasiyasını 1991-ci ilin xəritəsi üzrə aparılmasını istəyir. Naxçıvana könüllü keçid verməməklə Zəngəzur dəhlizinin açılmasını yubadır. Bu isə Ermənistanın 2020-ci il, 10 noyabr bəyanatı üzrə götürdüyü öhdəliyi pozması deməkdir. Biz inanırıq ki, tezliklə bu məsələ də öz həllini tapacaq.
Dörd tərəfli görüşün nəticəsi Azərbaycan diplomatiyasının qələbəsidir. Sonda bəyanat qəbul edildi. Bəyanatda Dağlıq Qarabağ münaqişəsi və status ifadəsinin işlədilməsi, Minsk qrupunun adının ümumiyyətlə çəkilməsi, Qarabağda yaşayan ermənilərin Azərbaycan ərazisində yaşayan etnik qrup kimi göstərilməsi yuxarıda qeyd olunan fikri deməyə əsas verir.
Nəsimi rayon 19 N-li tam orta məktəbin tarix müəllimi: Iskəndərov Bəkir Muxtar oğlu.
Praqa sammiti
