“Müharibə-bir ailənin sorağında…” adlı sənədli filmin təqdimatı keçirilib.
Alp.az-ın məlumatına görə, film “Xankəndi” Məcburi Köçkünlərə Dəstək İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə çəkilib.
Sənədli filmin çəkilişi layihəsi çərçivəsində hazırlanıb. Filim Xankəndi şəhərindən olan vətənimizin bütövlüyü uğrunda birinci Qarabağ savaşında və 44 günlük Vətən Müharibəsi zamanı erməni işğalçıları ilə döyüşlərdə fərqlənən Nəsirovlar ailəsinin döyüş yolundan bəhs edir. Xatırladaq ki, Nəsirovlar ailəsinin üzvləri – Nəsirov Ramiz Kamal oğlu, Nəsirov Kamran Kamal oğlu, Nəsirov Əli Kamal oğlu, Nəsirov Akif Kamal oğlu birinci Qarabağ döyüşçüləri, Nəsirov Zahir Rafiq oğlu, Mirzəyev Araz Cavanşir oğlu, Şahverdiyev Azər Məmməd oğlu, Məmmədov Yaşar Yusif oğlu birinci Qarabağ şəhidləri və Nəsirov Xəqani Kamran oğlu isə Vətən müharibəsi şəhididir.
Filmin təqdimatı Goranboy rayonun Ağcakənd qəsəbəsində keçirilib. Tədbirdə şəhid ailələri, Xocalı Rayon İcra Hakimiyyətinin nümayəndələri, QHT rəhbərləri və rayon ziyalıları iştirak ediblər.
