“- Həyata keçiriləcək yeni layihə elektrik enerjisi ilə bağlıdır. Azərbaycan çalışır ki, öz elektrik enerjisini dünya bazarlarına ixrac etsin. Azərbaycanın ixrac istiqaməti Gürcüstandan keçir. Təkcə azad edilmiş torpaqlarda 10 giqavatt gücündə bərpaolunan enerji növlərindən istifadə etmək olar. Xəzər dənizində isə bu rəqəm 157 giqavatta çatır. Bu enerjini istehsal etmək və ixrac etmək bizim növbəti illərdəki vəzifəmizdir. Gürcüstanla Azərbaycan digər sahələrdə olduğu kimi, bu sahədə də fəal əməkdaşlıq edəcəklər”.
Azərbaycan böyük enerji potensialına malik ölkədir. Bu, təkcə neft və qaz resurslarından ibarət deyil. Həm də elektrik enerjisinin istehsalı və ixracı istiqamətində potensiallarını reallaşdırır.Azərbaycan qlobal çağırışlara zamanında qoşulur.Enerji resursları ilə zəngin olmasına və dünyada enerji resurslarının ixracatçısı kimi tanınmasına baxmayaraq Azərbaycan Respublikasında bərpa olunan enerji mənbələrindən istifadə hər zaman diqqət mərkəzində olub. Azərbaycan Respublikasının Prezidenti cənab İlham Əliyevin rəhbərliyi altında həyata keçirilən enerji təhlükəsizliyi siyasətinin təməl hədəflərindən biri də ölkəmizdə bərpa olunan enerji mənbələrindən istifadənin gücləndirilməsindən ibarətdir.
2030-cu ilə qədər ölkəmiz istehsal olunancaq elektrik enerjisində bərpaolunan enerjisınin payını 30%-ə çatdırmağı ilə bağlı qlobal könüllü öhdəlik götürüb. Amma işlərin gedişatı onu göstərir ki, 2030-cu ilə qədər Azərbaycan istehsal olunan ümumi enerjidə bərpaolunan enerjisinin payını 50%-dən çox artıra biləcəkdir. Bu, həm də ölkəmizin elektrik enerjisinin istehsal həcmlərinin artması deməkdir.Azərbaycan qonşu ölkələrə elektrik enerjisini ixrac edir. Yaxın gələcəkdə Avropa bazarına da çıxış imkanlarımız reallaşacaqdır. Azərbaycan Avropanı nəinki neft və qazla, həm də onun elektrik enerjisi ilə təminatında fəal rol oynayacaqdır. Avropa İttifaqının enerji təhlükəsizliyi məsələsi bu gün həmişəkindən daha çox aktualdır. Azərbaycan isə nefti, qazı, elektriki və hətta gələcəkdə hidrogenlə təminatında Avropa İttifaqı üçün yeni və etibarlı mənbə olacaqdır.
Qulam Qarayev-ADPU , Nəsimi rayon sakini
