Erməni mediası yeni müharibənin başlayacağını yazır. Məşhur erməni nəşri “Hraparak” yazır ki, siyasi dairələrdə əmindirlər ki, son günlər Ermənistan-Azərbaycan sərhədində yaranan gərginliyin səbəbi “Zəngəzur dəhlizi”nin açılmasına nail olmaq cəhdləridir.
Nəşr iddia edir ki, “Zəngəzur dəhlizi” açılması reallaşmasa yaxın günlərdə müharibə başlayacaq.
“Noyabrın 26-da Soçidə üçtərəfli bəyanatdan sonra hakimiyyət “dəhliz” olmayacağını bəyan etsə də, delimitasiya və demarkasiya prosesinin ilkin şərt olmadan başlayacağını bildirsə də, fakt odur ki, Moskvada heç bir razılıq əldə olunmayıb. . Və görünür, Azərbaycan öz istədiyinə müharibə ilə nail olacaq.”, – qəzet yazır.
