Prezidentimiz Rəcəb Tayyib Ərdoğanın sərəncamında olduq, onun ixtiyarındayıq, əmrində də olacağıq.
Bu açıqlama ilə Türkiyə daxili işlər naziri Süleyman Soylu çıxış edib.
“Bu günə qədər özüm, partiyamız və həmkarlarımız ölkəmizə qarşı yönəlik heç bir hücuma izn vermədik, bundan sonra Allahın izni ilə buna imkan verməyəcəyik”, – Soylu vurğulayıb.
Qeyd edək ki, mafiya lideri hesab edilən Sədat Peker sosial şəbəkə hesablarından yayımladığı video-müraciətlərində mafiya-dövlət əlaqələri ilə bağlı inanılmaz iddialar səsləndirməkdədir.
O, S.Soylunu hədəf alan iddialar səsləndirib. Ötən gün Prezident Rəcəb Tayyib Ərdoğan açıqlamasında Soylunun yanında olduqlarını bəyan edib.
