image-ads_2000x150
image-66666666backend

Dünyanı heyran edən Azərbaycan xanımı: Bir iş xanımının uğur hekayəsi

image-ads_728x90

Azərbaycan qadını öz zəkası, müdrikliyi, sədaqəti, qəhrəmanlığı, vəfası, yüksək analıq keyfiyyəti ilə hər zaman xalqımızın adını uca tutub. Dünya mədəniyyəti xəzinəsinə nadir incilər bəxş etmiş xalqımızın mənəvi dəyərlərinin formalaşmasında və inkişafında da qadınlarımızın böyük rolu olub. Eyni zamanda, Azərbaycan qadınları tariximizin bütün dövrlərində xalqımızın taleyüklü məsələlərinin həll edilməsinə öz sanballı töhfələrini veriblər. Onların bir çoxunun adları çoxəsrlik tariximizin səhifələrinə qızıl hərflərlə yazılıb.
Kişilərin dominant olduğu bir cəmiyyətdə qadınların yüksək UĞUR qazanmasının səbəbi öz uğuruna inanmaqdır.

Uğur qazanmaq, cəmiyyətdə öndə olmaq hər iş adamına nəsib olmur. Amma uğura gedən yolda bütün tabulara sinə gərmək olduqca çətindir. Bu çətinliyi, maneələri aşmaq isə hünər istəyir. Bu dəfəki yazımızda öz uğur hekayəsi ilə bütün Avropa, Asiya və türk dünyasına səs salan iş xanımı Vəfa Muradzadəni sizə təqdim edəcəyik.
Vəfa xanım “İş Qadınlarına Dəstək İctimai Birliyi”nin sədri, ilk Azərbaycan brendi- “Made in Azerbaijan” markası ilə ev tekstili fabrikinin qurucusudur.

image-6

Muradzadə Vəfa Əlövsət qızı 1968-ci il iyulun 19-da Bakı şəhərində anadan olub. Əslən Zərdab rayonunun İsaqbağı kəndindəndir. 1985-ci ildə 7 saylı orta məktəbi bitirib. 1985-ci ildə Bakı Dövlət Universitetinin mexanika-riyaziyyat fakültəsinə qəbul olaraq oranı əla qiymətlərlə bitirib.

Vəfa Muradzadə iki il vəkil kimi fəaliyyət göstərib. Bir müddət Azərbaycan Dövlət Pedaqoji Kollecində və xarici şirkətdə işləyib. Hər zaman kənar biznes fəaliyyətilə də məşğul olub.

2006-cı ildə ilk Azərbaycan brendi- “Made in Azerbaijan” markası ilə ev tekstili fabriki yaradıb. Cənab Prezident İlham Əliyev həmyerlimizin sərgilərində iştirak edib. Onun gördüyü işlər ölkə prezidenti tərəfindən yüksək qiymətləndirilib. Azərbaycan Respublikasının prezidenti İlham Əliyev 2018-ci ildə Vəfa xanım Muradzadəni  “Tərəqqi” medalı ilə təltif edib.

image-13206_1637318619833387_5325657967707546370_n

Vəfa Muradzadə 16 ildir ki, bütün işgüzar sərgilərdə və səfərlərdə iştirak edir. Rusiya Prezidenti Vladimir Putinin Azərbaycana səfəri zamanı Vəfa Muradzadə Rusiyanın böyük bir Holdinqi ilə memorandum imzalayıb. Daha sonra Qətər dövlətində sərgisi keçirilib.

Vəfa xanımın uğurları bununla da bitməyib. Vəfa Muradzadə Fransanın Kann festivalında dünyanın 16 iş adamı ilə bərabər “Biznes Qələbəsi” kubokuna layiq görülüb.

Sözsüz bütün uğurların başlanğıcı inamdan asılıdır. Öz uğruna inanan sahibkar xanım bir çox ölkələrlə iş birliyində olub, Azərbaycan adının zirvələrə daşınmasında yardımçı olub. Hər kəsə bəllidir ki, uğurun arxasında yuxusuz gecələr, çətin iş qrafiki gəlir. Bir Azərbaycan xanımı, bir ana olaraq Vəfa Muradzadə bu çətinliklərin öhdəsindən gəlib.

image-3 image-4 image-5

Bütün çətinliklərə rəğmən Vəfa xanım Azərbaycanda “İnvilla” adında yeni mağazanı qurur. Bu gün “İnvilla” bir brend olaraq Azərbaycan bazarında öz yerini tutub.

image-55

Azərbaycan iş xanımı adı deyilincə ilk öncə Vəfa Muradzadə yada düşür. Azərbaycan xanımları üçün bir çətin yolun başlanğıcını Vəfa xanım qoyub. Bu çətinliklərin tabuların sındırılmasına, ram edilməsinə məhz Vəfa xanım nail olub. Gələcək işlərində Vəfa xanıma uğurlar arzulayiriq.

image-6666

image-ads_728x90

  • whatsapp
  • messenger
  • telegram
  • vkontakte
  • odnoklassniki